Шин дийнахьа дӀахьоргйолча КИФ-2024 яхача программанна чуйоагӀаш я 60 кхетаче. Терко тӀайохийтаргья доалахьара болх лелабара, ахархой гӀулакха, транспорта доакъошта, промышленноста, энергетиканна, банка балха, халкъашта юкъерча бувзама, унахцӀенонна, гуманитарни а кхыдолча а хьалашта, уж дегӀадоаладара.

Кхетачен керттера дакъа даьржа цхьанкхетар хургда. Кхетачен кхоалагӀча дийнахьа – кагирхой КИФ-2024 программа дӀахьоргья.

«Кавказа инвестицей кхетаче Нохчий Республике дӀахьош хилар цаховш нийсденнадац, из я Российски Федераце моттигашта юкъе дукхагӀа терко тӀайодар, цунца цхьана вай мехкарча инвестицей даькъ тӀа къамашта юкъе хьалхалаттар.

Со тешаш ва, кхетачено таро лургья доакъашхошта, кхетачен хьаьшашта, Къилбаседа Кавказа Ӏадаташ, цун хозал йовза, хӀаьта халкъашта юкъерча КИФ хьало хьагойтаргья мехка дегӀайоагӀаш йола инвестицей проекташ, цунца цхьана кхыча паччахьалкхен инвесторий терко тӀа а озаргья», - аьлар Российски Федерацен Паччахьалкхен Председатела гӀонча волча Новак Александра.

ГӀулакхах къамаьл хиларал совгӀа, Кавказа инвестицей кхетачен доакъашхошта лаьрхӀа йоккха дешара, культуран-салоӀама программа хургья: лекцеш, говзанч-хьехамаш, экскурсеш, гастрономически гойтамаш, таханарча заман барзкъан мода, говраш хохкаш дӀахьош йола спортивни яхьаш. Иштта КИФ-2024 даькъ тӀа лаьрххӀа дӀахьоргья «Лакхале» яха, Россе регионаша экономикан, инвестицей таронаш дегӀайоалаярах, инвестицей преми ялара хетаяь кхетаче.

Кхетачен балха программан архитектура го йиш хургья, цун лаьрххӀа йолча сайта тӀа.

КИФ-2024 дакъа лоацаш хургба Къилбаседа Кавказа моттигашкара, Къулбехьен федеральни даькъ тӀара, СНГ мехкашкара, Каспе, Ӏаьржача форда бассейнашкара туристически бизнеса, юртбоахама, транспорта, банка, гӀишлошъяра компаней викалаш.

«Карарча шера кхетачен чулоацам шерагӀа ба, дӀадахача шера хинначул. Укх наькъа цо хьаллоацаргда Къилбаседа Кавказ, Малхбоален федеральни моттигаш, СНГ мехкаш, Каспе, Ӏаьржача форда бассейнаш дегӀаахара дешаш. Кхетаче дувца оттадаьр инвесторий, доалахьара гӀулакх леладерий терко тӀаозаш да, царна юкъе ба йоккхий таронаш дика йовзараш. Кхыча мехкашкара а цу кхетаче дакъа лаца безам бараш дукха ба, уж ба ОАЭ, Катара, Омана, Казахстана, Узбекистана викалаш», - аьлар Российски Федераце Президента гӀончас, КИФ-2024 болх дӀабахьара бехктокхамеча секретара Кобяков Антона.

2023 шера маьтсела бетта Минводе дӀабихьача Кавказа хьалхарча инвестицей гойтаме вена хилар 15 мехкара кхо эзар совгӀа саг. Цу программанна чуйоагӀаш 30 кхетаче а хилар. Цига кулг яздир 50 каьхата, из дар 150 миллиард совгӀа сом.

Кавказа инвестицей кхетаче дӀахьош я Российски Федераце Президента амарах. Кхетаче вӀашагӀъеллар – Росконгресс яха лоадама ганз, Российски Федераци экономически дегӀаахара Министерствос хьал а лоацаш.

Кхетачен хоамашка хьажа йиш я, лаьрххӀа йолча сайта тӀа КИФ forumkavkaz.org,» социальни бувзамашка «Телеграм», «ВКонтакте».