Интернете гӀолла нах лебераша Ӏехавир вай мехкахо
Интернете гӀолла нах Ӏехабеш, ахча доаккхаш багӀараша Ӏехаваь, 36 эзар сом ахча дихьар Наьсарерча вахархочунгара. Ватцапе гӀолла гучаваьннача зуламхочо тийшаболх баьр Ӏаьдалгара оарц деха вахар.
«Россе ОМВД Наьсарен кхаленцарча оагӀон болхлой болча латкъа веначо дийцачох, «Камаз» яхача машена оатхалаш йохкаш ва со, аьнна, интернете хоам оттабаьча сага 36 эзар сома Ӏехаваьв из. Ахча каракхаьчача зуламхо вайна дӀаваьннав. Ахча дац, машина оатхалаш яц», - дийцар «Сердало» газетага МВД болхлоша.
Ӏаьдало лохаш ва зуламхо. Россе Уголовни Кодекса 2-ча даькъа, 159 ст. дӀадехарга хьежжа бехктокхаме озаргва из. МоллагӀча хӀамах атта тешалуш болча бахархоша дицде йиш яц, интернет зуламхошта чӀоагӀа аьттув болаш йолга. Бовзаш боацача нахаца интернете гӀолла йохкар - эцар ма леладе, массахана фийла хила!
