Шолже яьнна цӀи дӀайоайир
Шолжа-Шахьаре «Привоз» оалача базара гонахьарча доазон тӀа цӀи яьлар, хоам бир сихача гӀон болхлошка. Цу моттиге сиха кхаьчар цӀи йоаю тоабаш. Цигара хьал довзара цу моттиге вахар ГӀалгӀай Республике гӀолла йолча Россе МЧС Керттерча урхаллен кулгалхочун гӀонча, тӀахьожама балха, хьехам беча урхаллен кулгалхо Котанаькъан Ахьмад.
«Ийс цӀи йоаеча сага, лаьрххӀа йола кхоъ техника юкъеяьккха, лоаццача хана яьнна цӀи дӀайоайир. Сиха а шоай болх бовзаш а уж хиларах, лоалахарча гӀишлош тӀа дӀатӀа ца йоалийташ, из дӀайоае таро хилар», - аьлар «Сердало» газетага ГӀалгӀайче гӀолла йолча Россе МЧС Керттерча урхаллене. Ираза, цу цӀерах сага зе даьнна моттиг яц.
Деррига де деза кхерамзлен балхаш шоай ханнахьа даьд. Говзанчаш тохкам беш ба, хиннар малагӀча бахьанах да хьожаш.
