Бизнесмений бокъонаш лораеш волча сага бахархой тӀаийбергба
24.04.2025 10:08
Шоаш леладеш дола хӀама юридически оагӀонца чӀоагӀдаь бола доалахьара болх бераш тӀаийбеш ди дӀахьоргда хьатӀадоагӀача кӀира Магасе, бизнесмений бокъонаш лораеш волча Дзовранаькъан Заьлмахий. Из хоам «Сердалога» бир цу моттига зарбан болх лелабеча Албохчанаькъан Хадижас.
«Иштта цу кхетаче дакъа лоацаш хургва ООО «Газпром межрегионгаз Наьсаре» яхача моттига кулгалхо вола Лаьнанаькъан Элберд. Медведев Д. «ЦаӀ йола Росси» яхача парте бахархой тӀаийбеча моттиге, укх бетта 28-ча дийнахьа кхаь сахьатагара диъ сахьат даллалца хьатӀабаьхка, шоай хаттараш тахка йиш йолаш ба бахархой», - йоах тхога бенача хоамо. ХӀама хьадеш барашта шоай бокъонаш ма ярра йовзаргйолаш дӀахьош болх ба из.
