Екатеринбурге, тӀема бӀухой дагалоацаш, хилар сага бокъонаш лораер
Балха тӀагӀолла Екатеринбурге нийсвеннача республикерча сага бокъонех волча викала ЦӀечой ИбрахӀима котало гаргайоалаеш лаьтта тӀема доакъашхой дагалаьцар. Из хоам «Сердалога» бир республикерча УПЧ зарбан болх лелабераша.
Шахьарерча даим йоагача цӀера Широкореченски тӀема-мемориальни моттига юхе гулбелар ерригача Россе балха лостам луча кхела кхетаче дӀаяхьа Россера сага бокъонех бола викалаш, федеральни оагӀонцара сага бокъонех йола викал Москалькова Татьяна, Свердловски областерча губернатора гӀонча Козлов Василий.
«Из моттиг сийленг хинна Ӏац, тӀема доккха истори да цига кердадоаккхар. Коталон ди гаргадоаладе гӀерташ, шоай синош ца кходеш лаьттараш бицбе бокъо яц вай цӀаккха а! Тахан дийна болча ветеранашка хьажар, цар хьашташ кхоачашдар вай декхар да!» - белгалдир ЦӀечой ИбрахӀима.
Кхоана, маьтсела бетта 14-ча дийнахьа, сага бокъонех болча викалий кхетаче хургья Екатеринбурге, цига дувцаргда тӀема юкъе дакъа лоацаш хиннарий бокъонаш лораярах.
