Сага бокъонаш лораечо новкъостал дир, боккхача дезала нанна нийсхо меттаоттае
ГӀалгӀай мехка дика кхоачашдеш латт, боккхача дезала вахара гӀо ду ахча дӀадалара дош. ГӀалгӀайчен сага бокъонаш лораяра викалга кхайкарал дир диъ бера нанас, цо хоам бир шийна доагӀаш хинна социальни пенси, иштта федеральни тӀехьара тӀа, бераш да воацаш хиларах, луш дола ахча шин бера соцадаь хиларах.
«Кхалсага яхачох, деррига каьхаташ ший ханнахьа дӀачуденнад Россе Вахара ганза республикански даькъе, уж дар хоамий базе. Цул совгӀа, цунга вӀалла хоам а ца беш, цӀаьхха, дӀасоцадаьд уж ахчаш. Дукхача берий наьна га хьаллацара, сага бокъонаш лораяра волча викала сиха дӀадахьийтар каьхат Россе Вахара ганзе. Из гӀулакх дика техкачул тӀехьагӀа, деррига хоамаш дайза даьлча, да воацаш хиларах шин бера пенси хьадоладелар», - аьлар «Сердало» газетага ГӀалгӀай Республикан УПЧ балха даькъ тӀа.
Белгалду, из гӀулакх боахамашта юкъера хьал сиха тоадаьчул тӀехьагӀа хьаухаш хинна ахча меттаоттадаь хиларал совгӀа, соцадаь лаьттача юкъа хьадала дезаш мел хиннар а хьаделар кӀимарса беттагара маьцхали беттага кхаччалца. Деррига ахча дукха дезал болча нанна дӀаделар.
