Сага бокъонаш лораечо новкъостал дир, эраста вахача моттига гаргагӏа хилийта
ГӏалгӀайчен сага бокъонех волча викалга дехар дир яхархочо, ӀӀ-ча группа заӀапхочо, новкъостал дехаш, Калужски областа даькъ тӀа лаьца воалла ший фусам-да, ший гаргарча наха юхе хургволаш хӏама дар дезаш. Ший дехар тӀа цо белгалдир, дезалера вахара хьал чӀоагӀа хала хилар, из бахьан долаш, из лаьца воаллача моттиге аха чӀоагӀа хала хилар.
Каьхат лерттӀа техкачул тӀехьагӀа, сага бокъонех волча викало из гӀулакх дӀадахьийтар яь суд кхоачашъяра йолча Федеральни моттиге. Деррига хьал техкачул тӏехьагӏа, из гӏулакх кхоачашдир дикача оагӀорахьа. Лаьца воаллар Калужски областера хьалвоалавир Нохчий Республике гӀолла йолча Россе УФСИН чуйоагӀача моттиге», - аьлар «Сердало» газетага ГӏалгӀай Республике гӀолла йолча УПЧ хоамий-аналитически даькъ тӀарча болхлочо.
