Дукха бераш долча наьна ахча хьадалийтар сага бокъонех волча викала
25.08.2025 12:54
МагIалбикерча дукха бераш долча наьна, шин бера ахча хьадала ца тугаш хинна гIулакх диканца дIадийрзар. Сага бокъонех вола викал юкъевена, цун бокъонаш меттаоттайир.
«Шийна Iаьдалгара хьадоагIаш дола ахча хьаэца гIерташ, массехказа из гIулакх чакхдаккха гIортарах, каьхаташ боаггIача боараме дац, яхаш, юхатеттар из. Бакъда, берий нанас йоахар, цу каьхаташца ийдаьд ше ахча хьалхагIа», - хоам бир «Сердалога» УПЧ.
Кхалсага гIо дийха, сага бокъонех волча викала Россе Вахара ганзага гIолла техкар из. Кхалсага бокъонаш меттаоттайир, таханарча дийнахьа хIара бера 16 169 сом ахча хьахьожадаьд.
