Лийцача наха новкъостал дир, шоай дезалашта юхегӏа хила
ГӏалгӀайчен сага бокъонех вола викал волча дехараш даьхкар, лаьца воаллача кхаь сага гаргарча нахагара. Цар довзийтар, набахта боахкарашца бувзам лелабе шоай вахара таронаш геттара во хиларах. Цӏенъюкъера хьал атта доацаш хиларах, хьатӀабоагӀаш кхоачам боллаш пайда цахиларах, кхыча мехкашка царна тӀехьааха йиш йолаш хилац.
«Сага бокъонаш лораечо Федеральни гӏулакхага каьхат дахьийтар, уж нах шоай гаргарча наха юхе хургбола таронаш лахар дехаш. Цу тӀехьа, дукха ха ялалехь, дика хоам кхаьчар. Уж нах Самарски, Нижегородски областа, Ставропольски края УФСИН урхалленашкара хьабоалабир Нохчий Республикан, Къилбаседа-Хӏирийчен доазонаш тӀа», - аьлар «Сердало» газетага ГӏалгӀай Республикан УПЧ.
Цо таро лургья лаьца боахкарий бокъонаш лорае, уж лерттӀача вахарга боахаш, царна новкъостал де.
