Бокъонаш лораечо гадаьккхар боккхача дезала наьна
ГӏалгӀайчен сага бокъонех волча викалга дехар дера боккхача дезала наьнагара, зӀамига пхиъ дезалхо кхевеш йолча. Из дувзаденна дар, цун берашта хьадоагӀаш дола ахча 50% мара ца хиларца. Цо белгалдир, дезале хӀара сага кхоачаш дола ахча дӀалаьрхӀача цунна хьадала дезаш дола ахча дикка лаьгӏдаь хилар. ДукхагӀа из латкъаш хиннар дар, ахча нийса цахьожадар, юкъара хьатӀабоагӀаш бола дезала пайда нийса дӀацалархӀар.
«Цунна новкъостал дара, боккхача дезала нана хиларах тарра, Россе Социальни ганзе из хаттар дӀадахьийтар сага бокъонех волча викала. Ганз дӀабихьача тӀахьожама балхо, латкъаш йолча кхалсага яхар бакъ хилар чӀоагӀдир. Тохкам баьчул тӀехьагӀа, 50%-гара 75 %-га кхаччалца лакхдир пхе бера хьаийдеш дола пособи, 12 эзар 126 сом хургдолаш, дезала хьатӀабоагӀа пайда дӀа а лоархӀаш.
Иштта хьежар хьалхагӀа, из берах йолаш, хьожадаь хинна ахча нийса хьожадаьдий, из да 13 эзар 626 сом», - аьлар «Сердало» газетага ГӏалгӀай Республикан УПЧ хоамий-аналитически даькъ тӀа. Цу тайпара цу кхалсага соцадаь лаьтта деррига ахча хьаделар, карарча шера аьтинга беттагара тов беттага кхаччалца.
