Сага бокъонех волча викала боккхача дезала гадаьккхар
Эккажкъонгий-Юртара яхархо леткъар УПЧ. Цар дезале дукха бераш доллашехь, ӏаьдалгара хьадоагӏа пособи хьадала ца тугаш, кхестаю из. «Цо белгалдаьчох, дукха бераш долча цар дезале заӏапхо долаш бер а да, хьажа везаш.
Укх шерарча кӏимарса бетта денз, пособи хьалуш дац. Керттера бахьа - 4 МРОТал дукхагӏа алапи цахилар дӏадахача шера даь а наьна а», - дийцар «Сердалога» сага бокъонех волча викала.
Россе ганзе гӏолла хьатаьхкар из гӏулакх УПЧ. Заӏапхо долча берага хьожаш я нана, хӏаьта берий да вӏалла балха веце а, пособи хила дезаш да цар дезале дукха бераш хиларах. Из керте оттадаь, кхаь берах хӏара бера 16169 эзар сом хулаш пособи хьадоладалийтар цу гӏулакха оарцагӏбаьннараша, 2025 шера кӏимарса бетта 1 денгара 2026 шера аьтинга бетта 30 денга кхаччалца.
