ГӀалгӀай столицан хинна мэр лаьцар бокъонаш лораераша
03.09.2024 14:35
ГӀалгӀайчен МВД хоам бир; Ӏаьдало лохаш хинна Магаса мэр лаьцав, аьнна. ГӀалгӀайчен доазол арахьа хинна Магас-Шахьара мэр, бокъонаш лораерий болхлоша хьалаьцар Шолжа-ГӀалий тӀара.
«Ший балха тӀа цадоагӀаш дола гӀулакхаш леладеш хиларах, шахьара кулгалхо хиннар белгалваларах оаха дийцадар дӀадахача шера маьтсела бетта. Хоамо яхачох, 2023 шера наджгоанцхой бетта 10-ча денгара саькура бетта 6-ча денга кхаччалца, Магас шахьаре токаца дувзаденна балхаш дӀадахьа деза, аьнна, доагӀаш доаца маьхаш а оттадаь, къахьегамхошца бартчӀоагӀам бир.
Цу тайпара, шахьара зе хилар 1,99 млн сома», - аьлар «Сердало» газетага ГӀалгӀайче гӀолла йолча Россе МВД.
Карарча хана столицан хинна мэр лаьцав воалл. Зе дарах бола тохкама болх дӀаболабаьб.
