ЕГЭ кхоачамбоацар доацаш дӀаяхар
ЕГЭ дӀалуш йола керттера ха дӀайолаелар, маьтсела бетта 23-ча дийнахьа; химех, литературах, географех экзаменаш дӀалуш. ГӀалгӀайче из дӀайихьар технически оагӀорахьа кхоачамбоацараш доацаш, цудухьа беррига дешархой шоашта ховш дар хьагойта таро йолаш бар.
Уж Ӏилмаш эзар совгӀа волча выпускника хержадар, яхаш, дийцар «Сердало» газетага моттигерча дешара, Ӏилман Министерствос.
ГӀалгӀайчен дешара, Ӏилман Министерствон кулгалхочо Цхьорой Ахьмада ше тӀахьожам бир экзаменаш дӀаялара, цун къамаьл хилар, экзамен дӀалуш дакъа лоацаш хиннача паччахьалкхен экзаменационни комиссе кулгалхошца. Цо белгалдир, министерствон, иштта экзамена доакъашхой къахьегамца ГИА-24 экзаменаш лу кампани дика дӀаяха езаш хилар», - аьлар тхога хоам баьчо.
ЕГЭ дӀаялара ГӀалгӀайче кийчъяь хиннача ялх моттиге, цхьаккха новкъарло йоацаш, кхерамзленна Ӏалашо яь из ди дӀадихьар бокъонаш лораераша. ЦаӀ йола паччахьалкхен экзамен дӀалуш, тӀахьожаш хилар Рособрнадзора викалаш.
