Ший цӀен гаргагӀа йолча моттиге ха токхаш хургва лаьца воалла мехкахо
22.08.2025 09:18
Сага бокъонех волча викала гӀонца меттадоаладир, цхьан дезале нийсденна хала гӀулакх. ЦӀенна гаргагӀа йолча моттиге ха такха хьавоалаве ший набахта воалла воӀ, аьнна, дехар дир дас. Саратовски областе лаьца воаллача воӀа тӀехьааха хала дар; пенсионер, заӀапхо волча даьна. Цу гӀулакхо чӀоагӀа Ӏоткъам бора Ӏаьдала кара волча сага даьна, нанна.
«Сага бокъонехвола викал оарцагӀваьлар из гӀулакх аттачахьа даккха. Федеральни оагӀонцарча болхлошца бувзаме ваьнна, хӀирий мехкарча набахта ха такха из хьавоалавергволаш вӀаштӀехьадаьккхар цо», - дийцар «Сердалога» мехкарчарча УПЧ.
Оттаяьча хана шоай воӀ волча аха аьттув хургба хӀанз цӀагӀарча наьха. Доккха баркал оал цар, из аьттув шоашта беннарашта.
