Ший цӀен гаргагӀа йолча набахта ха токхаш хургва лаьца воаллар
28.08.2025 15:26
ГӀажарий-Юртарча яхархочо гӀо дийхар сага бокъонех волча викалгара, лаьца воалла ший воӀ цӀен гаргагӀа йолча моттиге ха такха вутаргволаш.
«Кхалсаг чӀоагӀа дагадоаллаш яр, мехка гаьна йолча набахта из дӀахьожавар кхераш. Цар вахара хьал хало да торо дика цахиларах; цунга хьежжа, гаьнарча моттиге лаьца воаллача воӀа тӀехьааха царна чӀоагӀа низткъала хургда», - дийцар «Сердалога» УПЧ.
Сага бокъонех вола викал шийна могар де оарцагӀваьлар мискача кхалсага. Федеральни оагӀонца бувзаме ваьнна, техкар цо из гӀулакх.
Дикка къахьийга, аттачахьа даьккхар цар из. ХӀирий мехкарча набахта ха токхаш хургва лаьца воаллар. ЦӀагӀарча наха боккха аьттув ба из, дукха ахча доадеш, гаьнарча шахьаре тӀехьааха безаргбац цар хӀанз.
