«Башкортостане лаьца воалла са воӀ, Россерча цхьан мехка дӀахьожаве везаш ва. Со дегӀа могашал эшаенна саг я, хӀара денна халагӀа да унахцӀенон хьал. Цул совгӀа, цӀагӀара таро а дика яц тха, гаьнарча моттиге лаьца дӀавигача, воӀа тӀехьааха геттара хала хургда сона. Шуга дехар ду аз, вай мехка юхерча набахте из хургволаш, гӀо де сона», - яздир лаьцача виӀий нанас.

Сага бокъонех волча викала Россе ФСИНаца лаьрхӀар, из саг республикан юхегӀа хилийта. АьдагӀий мехкарча набахта токхаргья цо шийна теха ха.