Ше вахача моттига гаьна воацаш, ха токхаш хургва лаьца воаллар
29.07.2024 11:40
Сага бокъонех вола викал оарцагӀваларах, лоалахарча хӀирий мехкарча набахта ха токхаш хургва вай мехкара вахархо. Из дехар деш, УПЧ латкъа енар яр суд токхаш волчун Илдарха-ГӀалий тӀа яха нана.
«Таханарча дийнахьа таро хала я тха. ЗӀамига ши бер да са цӀагӀа, цунга хьежжа, гаьна лаьца воалла воӀ волча аха аьттув хургбац са», - язду гӀо дехача кхалсага.
Федеральни оагӀон болхлой оарцагӀбаьха, кхалсага аьттув хургбар де хьежар сага бокъонех вола викал. Деррига техкачул тӀехьагӀа, соцам бир, вахара таро хала йолча кхалсага воӀ лоалахарча мехка ха такха вита.
