Республикан бахархошта гӏо лоаттаду СФР оагӏоно
26.09.2025 09:05
Республикерча РФ пенсионни, вахара оагӏонцарча страхованех йолча ганзо вай мехка бахархой тӏаийбу ди дӏадихьар. Из хоам «Сердалога» бир цу моттигера.
«Цу оагӏон хьалха латтача Йовлой Зубейрага, шоашта къувлараш дувцаш бар нах. Хӏаране тӏадена хаттар дикка доашхаш, дӏахо де дезар белгалдир хьакима», - йоах тхога кхаьчача хоамо.
Белгалде деза, иштта йола кхетаченаш каст-каста дӏакхахьар наьха вахарера кхоачамбоацараш довзара тӏехьа лоархӏаме долга.
Хӏара беттацарча тӏеххьарча ерача дийнахьа, Магасе дӏакхухьача кхетаче шоашта къувлар тахка йиш йолаш ба бахархой.
