СФР моттигерча даькъо вӏашагӀъеллар зӏамигача футбола яхь
Гӏалгӏай Республике гӏолла йолча пенсионни, иштта вахара страховане Ганза даькъо вӏашагӏъеллар Магасе зӏамигача футбола яхь, яхаш, дийцар «Сердало» газетага СФР зарбан болх лелабераша.
«Яхьаш дӏахьош йолча юкъа, доакъашхоша шоаш хьагойтар спортивни ловзарий даькъ тӏа, иштта гуш хилар лакхача яхьашка балара уж кийча болга.
Доттагӏала, спорта цӏай долаш хьакхийтар царех Нохчий Республике гӏолла йолча СФР даькъ тӏара болхлой тоаба, - аьлар хоамо. - Яхьаш дӏахьош белгалбаьннача дикагӏа болча спортсменашта грамоташ, совгӏаташ делар».
Гӏалгӏай Республике гӏолла йолча СФР даькъа кулгалхочо Йовлой Зубейрас белгалдир, цу тайпара кхетаченаш дӏаяхьарца, команда низ дукхагӏа чубоссаш хилар, шоайла говзанчашта юкъе дӏахьош йола яхьаш лакхагӏча боарам тӏа яха таро хилар.
