Гӏалгӏайчен СФР даькъо бахархошта новкъостал ду, нах тӏаэцарга гӏолла
28.11.2025 12:40
Гӏалгӏай Республике гӏолла йолча Россе Вахара ганза даькъо, нах тӏаэцарга гӏолла новкъостал ду. Массаза санна бетта тӏеххьарча ерача дийнахьа, отделене кулгалхочо Йовлой Зубейрас ше волча моттигера бахархой тӏаэц.
«Из моттиг хиларах, таро я наха лоаттадеш долча гӏулакха дикал лакхъе, дикагӏа кхета шоашта хьалхашка нийслуш долча хаттарех. Бахархой хаттараш вахара ӏалашонца дувзаденна дар, пенсе даькъ тӏа нийслуш хул уж. Йовлой Зубейрас хӏара сага хьалхадаьккхар цу даькъ тӏара хьал», - йоах хоамо.
Белгалду, хӏара бетта дӏахьош йолча кхетачене дакъа лаца йиш я, цу паччахьалкхен урхаллене оршот денгара пӏаьраска денга кхаччалца йолча хана дӏаязвелча.
