«Аьрзи» лагере салоIарашта тIахьожам бу МЧС
24.06.2025 22:45
Лоаман моттиге уллача «Аьрзи» лагере салоIаш долча берий кхерамзлен хьал лорадеш ба МЧС болхлой. Из хоам «Сердалога» бир къахьегама гIулакхех йолча министерствос.
ЦIаьхха, цIи яьнна хатар хилча, цIера духьала эшаш дола гIирсаш шоай моттиге дий, цу хIаман духьалара кийчо лагере малагIча боараме я хьежар МЧС болхлой.
Иштта хин моттигашкара кхерамзлен хьал лорадарах болча оагIон хьалха латтача Темарханаькъан Адама дIагойтар, хи чу вахача сага эггара хьалхара гIо дар мишта хила деза.
«Ахкан ха дIаяллалца лагере тIахьожам лоаттабеш хургба МЧС болхлой. Цу гIулакха юкъелаьцаб МЧС колледжера студенташ а, салоIаш барашта эшшача гIо де кийча хургболаш», - дийцар тха газетага.
