Мах боацаш, Москве дарба де аьттув баьлар тӀема доакъашхочун даь
Москверча курорте, мах бала ца безаш, дарба деш хилар тӀема операцен юкъе вахар хаьдача КӀаражанаькъан Назира да. «Даьхен лорбой» яхача лоадама ганза болхлой ба цига ваха цунна гӀо даьраш. Из хоам «Сердалога» бир хӀарман проектий оагӀон кулгалхочун гӀонча йолча Наурбенаькъан Фаринас.
«КӀаражанаькъан Увайс инфаркт хинна ва. Цул тӀехьагӀа дега чӀоагӀа хала лоархӀаш йола операци яьй цунна. «НМИЦ РК» Москверча дарбанче ший могашал меттаоттае ваха гӀо дийхар цо, «Даьхен лорбой» яхача ганза викалашкара. Къоастой Ева я, из гӀулакх вӀаштӀехьадоаккхаш, болх дӀабихьар.
УнахцӀенон гӀулакхех йолча Министерствоца бувзаме яьнна, 7 дийнахьа дерригача хӀаман кийчо е аьттув баьлар цун. Сурхо тӀара вахархо, дика салеӀа, цигарча гӀулакха раьза волаш, цӀенах кхийттав укх деношка», - йоах хоамо.
Теркалде деза, 1994-ча шера ваьча КӀаражанаькъан Назира тӀема операцен юкъе вахар хаьдалга а цунна Денала орден еннилга а.
