Гӏалгӏайчен яхархочунна Бакулева цӏерагӏча НМИЦ дега операци йир.
Республикански кардиологически диспансере лорий новкъостал дезаш енача 63 шу даьннача кхалсага дега 57х28 мм йолаш хӏама яьннай, аьнна, белгалбир лазара корта. Цул тӏехьагӏа из дӏахьожайир, эттӏае езаш хиларах, Бакулева цӏерагӏча НМИЦ дега-миай дарбанче.
«Столицерча клинике из лазар хилар чӏоагӏдир, лораша дег тӏа хьахинна хӏама дӏайоаккхаш, дега клапан хувцаш, операци йир. Эттӏаяьчул тӏехьагӏа а, кхы хӏама доацаш, меттаенай. Дӏахо из лорий тӏахьожам болаш хила еза, аргӏагӏа боагӏаш бола дегага болх байташ бола гӏирс оттабе безаш я», - аьлар Гӏалгӏай Республикан унахцӏенон Министерстве.
Лораша цӏаькхаза а белгалдоаккх наха, шоай ханнахьа лорашта тӏаводаш хилча, дукхагӏа дола лазараш дарба де йиш йолаш хилар. Тӏехьа ца тетташ, дарбанче ваха веза.
