«Сердало» газетага из дийцар парламента депутат волча Къоастой Ахьмада. Газе вахаш волча, «Хаят Йолу» яхача ассоциацена кулгал деш волча Туранша Эмираца; интервью дӀайихьар «Тешам» яхача наха гӀо деча ганза хьалха латтача Къоастой Ахьмада. Таханарча дийнахьа республикерча бахархошта эггара чӀоагӀагӀа дагадоалларех да, Газе бахача мискашта яхьийта хӀамаш царга дӀакхоачий-хьогӀ яхар. 

Туранша Эмира дийцар; даггара къахьийгача а, хӀамаш дӀакхачара гӀулакх чӀоагӀа хала латт, яхаш. 2,5 млн адама дӀакхача езача 1000 совгӀа гӀо ийца йодача машинах дӀакхоачар 200 мара яц, из а Рамадан бетта мара нийслуц. 50-ел лакхагӀа хьалтӀайоалаш хиннаяц, хӀамаш ийца йолха машинаш.

ДӀадахача кӀира 40 машин дӀадехьаялийта аьттув баьннаб, Даьла низаца. Эмира белгалдир, хӀамаш Ӏокхачара тешал деш йола видео дӀаязъергья ше Газе, аьнна», - йоах тхогарча хоамо.

Вай мехкадас Келаматанаькъан Махьмуд-Ӏаьлас дӀадоладаь из беркате гӀулакх хало дале а, Даьла къахетамца, дӀадодаш да. «Тешам», «Дикача наьха клуб» яхача ганзаша хьинаре дӀахьош ба Газерча наха гӀо деш бола болх. Туранша Эмира доккха баркал аьлар вай къаманна; белгалдир, палестинхоша цӀаккха а бицбергбац халача хана шоашта новкъостал лоаттадаьраш, аьнна.