Аьхки салоӀача лагере, шоай могашал тоаергья Палестинерча бераша
11.06.2024 15:54
Палестинера даьхкача 9 шергара 14 шерга кхаччалца ха яьннача бераша, Наьсарен № 20 йолча юкъерча ишкола даькъ тӀарча лагере шоай могашал тоаеш а салоӀаш а ха дӀахьоргья, яхаш, дийцар «Сердало» газетага ГӀалгӀай Республикан дешара, Ӏилман Министерствон зарбан болх лелабераша.
«Дешаш йоаца ишколера ха шин кӀира хургья. Дийнахьарча дешара юкъедоагӀа, кхетам балара а иштта ловзара а дакъа, цу юкъе я яхьаш, театра, ашарий гойтамаш», - йоах хоамо.
Белгалду, деша дагӀача бераша «Хьалхарчар Болама» доакъашхоша а Россе аьрзелгаша а вӀашагӀбеллача салоӀама юкъе дакъа лоацаш хилар.
