ГӀалгӀайчера хьажол де болхараш Магасера Меддане, Джидде гӀоргба
Хьажол де ха хьаэттай. Аьтинга бетта 6-ча денгара 28 денга кхаччалца, хьажол де болхараш гӀоргба «Cen trum AӀr» компане рейсаца Магас-Меддане, Джидде, яхаш, дийцар «Сердало» газетага ГӀалгӀай Республикан Кулгалхочун зарбан болх лелабераша.
«Кхаь кӀирал кӀезигагӀа ха йисай, хьажол де Макка болха нах вай накъабаха. Деррига кийчон балхаш дӀахьош да: дӀаболха нах дӀаязбаьб, уж каьхаташ йоагӀаш йолча моттиге дӀадахьийтад, хьехамаш деш дола цхьанкхетараш чакхдаьннад.
Балха тоабо ший болх лерттӀа дӀахьош хиларах, хьажол дика кхоачашде таро хургья», - аьлар республикан кулгалхочо Келаматанаькъан Махьмуд-Ӏаьлас, ше цу лоархӀамеча наькъах дувцаш.
Цо дег чура даькъалабийцар хьажол де болхараш, хӀара бусалба сага вахаре эггара лоархӀамегӀа дола хьажол де болхарий аьттув хилар ловш долча дешашца. Махьмуд-Ӏаьлий дешашта, шоашкара ловца тӀатохаш ба ГӀалгӀайчен бахархой, хьажол де болхарий новкъостий, гаргара нах.
