Вай мехкара панкратионхой, дунен яхьашка дакъа лаца кийчлуш ба
01.11.2025 09:48
Эллиной мехка дIаяхьа лерхIача Дунен яхьашка дакъа лаца кийчлуш ба вай мехкара панкратионхой. Из хоам «Сердалога» бир спортацарча латарах йолча Федераце.
«Россе тоабаша спортацара кийчо еш йолча «Парамоново» яхача моттиге тахан къахьегаш ва вай лакха начIал дола кхо спортсмен: Хьаьшанаькъан Iимран, Дудурганаькъан Алисхан, Йовлой Алисхан. Грецерча Лутраки яхача шахьаре U15-U17-U20 дунен яхьашка шоай низ дIагойташ хургба уж, лайчилла бетта 5-ча денгара 9-ча денга кхаччалца.
