Наьсарен Мальсаганаькъан К. цӀерагӀа парк хувцалуш йоагӀа
Малсаганаькъан КӀарцхала цӀерагӀа парк гургья Наьсарен бахархошта, хьаьшашта кердаяьккхача кепара. Наьсархой таро я укхаза дӀахьош долча балхашка хьажа- шахьара Ӏаьдало къайлаяьккхаяц из моттиг нахах, шоаш боккха болх дӀаболабеш.
«Туризм, хьаьший тӀаэцара кийчо яр» яха ГӏалгӀайчен туризмах йолча Комитета мугӀарера къаман проект йистеяла йоалл. Уж проекташ, шахьара администраце хьал а лоацаш, кхоачашъеш я. Парке хийцад деррига гӀандаш, бурчолгаш оттадаьд, модульни оала библиотека яьй.
Укхаза иштта Наьсарен истори тӀадола улгаш оттадергда. Шахьара кулгалхоша шоашта тӀаийцад дагалоаттама улгаш тоадар, царна сердал ялар», - аьлар «Сердало» газетага Наьсарен администраце зарбан болх лелабераша.
Дӏадахача салоӀача деношка шахьара бахархой таро хилар керда чуйилла сердал го, бийсан из мишта йоаг хьажа, из сердал хургья наха езаш йолча парке.
