Долакха-Юртара хьехархо «Къахьегама саг» яхача Къаман преме тӏеххьарча бӏалага кхаьчав
02.12.2025 10:32
Наьсарен кхален Долакха-Юртара хьехархо Овшанаькъан Апти «Къахьегама саг» яхача Къаман преме финалист ва, яхаш, дийцар «Сердало» газетага «Бералла наькъаш» оалача Ерригроссийски проекта хоамий говзанчас Коазой Миланас.
«Цу яхье дакъа лаьцар мехка 63 моттигерча 170 доакъашхочо. Ший начӀал, хьаькъал гойташ белгалваьлар Долакха-Юртарча №3 йолча ишкола хьехархо Овшанаькъан Апти», - аьлар хоамо.
Тхоца къамаьл даьчо яхачох, «Къона говзанча» яхача даькъ тӀа къаман проекта хьалхалаттарашта юкъеводаш, Ахьмада Апте дика гойтар ший профессиональни таронаш, иштта лакхача боарам тӀа гойтар хьамсара ГӏалгӀайче.
