Ерригача Россе «Ховр. Лектор» яхача яхье котало яьккхар Магӏалбикерча хьехархочо
Ерригача Россе моттигашта юкъе дӏахьош йолча яхье хьалхара моттиг яьккха, цӏакхаьчар вай мехкара хьехархо Къамурзой Захрат. Москверча пионерий цӏагӏа хилар котбаьннараш белгалбеш йола кхетаче. Из хоам «Сердалога» бир «Бералла наькъаш» яхача проекта доакъашхоша.
Укх бетта 19-ча денгара 21-ча денга кхаччалца, Москве шоай говзал дӏахьокхаш хилар начӏал дола лектораш. Хӏаравар ший мохк дикача оагӏорахьа бовзийта гӏерташ вар. 53 моттигера 126 доакъашхочоа грамоташ елар. Царна юкъе я Магӏалбикерча № 5 йолча ишкола хьехархо, лингвистиках ӏилман статьяш язъеш къахьийга Къамурзой Захрат. Россе къамаш цхьанкхетарах йола лекци йийшар цо. РФ Кхерамзлен Кхела департамента аппарата кулгал деш вола Поляков Андрей вар вай мехкахочунна совгӏат деннар», - дийцар тхога.
«Лоархӏамеча толамца даькъалаювц тахан Захрат! Цу гӏулакхо хьагойт вай хьехархой, лакха начӏал долаш, къахьегаш болга шоай моттигашка. Иразе, беркате хилба цун къахьегама никъ дӏахойодача хана а!» - аьлар «Бералла наькъаш» яхача проекта доакъашхо йолча Коазой Миланас.
