Метташ доаржадарах йолча кхетаче дакъа лаьцар вай мехкарча хьехархочо
Селий мехкарча къамий, Россе доккха доацача къамий метташ лорадарах, доаржадарах йолча кхетаче дакъа лоацаш хилар ишкола кулгалхочун гӀонча йола Цхьорой Зарема. Из хоам «Сердалога» бир ТӀой-Юртарча № 3 йолча ишколе.
«Гамзатов Расула цӀерах йолча Паччахьалкхен педагогически университете дӀайихьача кхетачен хьалха эттар вар Къилбаседа Кавказа кхелахо, юкъарлон-политически доакъашхо Курбанов Руслан», - йоах хоамо. Кхетаче дийцар Россе къамий метташ лорадарах, уж дайна дӀадаргдоацаш эшаш бола болх лелабарах.
«ЧӀоагӀа хоза тӀаийцар лоалахоша-селаша хьехархой, дӀа-хьа ийцар пайдане хургдараш. Лоалаха ядача республикаша цу оагӀонца дӀахьош бола болх байза, метта таханара хьал ма дарра го аьттув хилар са, дукха кердадараш Ӏомадир», - дийцар Цхьорой Заремас.
