«Сферума дикагӀбараш» яхача дешара сессе дакъа лоацаш хилар ГӀалгӀайчен хьехархо
«Машук» яхача дешара центре «Сферума дикагӀбараш» яха дешара сесси дӀайихьар, Россе тайп-тайпарча моттигашкарча 120 хьехархочо дакъа лоацаш. ГӀалгӀайчера цига яхар Базорканаькъан Хадишат, из я Илдарха-ГӀалан №5 йолча ишколе ингалсий мотт хьехаш.
«Пхе дийнахьа сессе доакъашхой тоабашта бекъабенна, говзанч-классаш дӀахьош, говзал лакха йолча хьехархой лекцешка ладувгӀаш, шоаш медиалабораторен кхолламах кино доаккхаш, кхыча мехкашкара баьхкача балха новкъосташкара балха говзал хьаэцаш, болх беш хилар. Эксперташа дийцар таьрахьашцара говзал юкъеяккхарах, цунга гӀолла мах бола Ӏадаташ лорадарах, вахара бувзамашка гӀолла ший доалахьардар хьакхолларах», - аьлар «Сердало» газетага ГӀалгӀайчен Ӏилман, дешара Министерстве.
Базорканаькъан Хадишата, «Сферума дикагӀбараш» яхача дешара сессе яхара, шийна никъ баьккхар «Сферума Нах-2024» яхача, Россе дешара Министерствос хьаллоацаш дӀахьош хиннача Ерригроссе таьрахьий говзала олимпиаде котъяьнна хиларах.
Хоамий технологей даькъ тӀара болх дика бовзаш хиларах, ГӀалгӀайчен хьехархочо лакха балха говзал гойтарах, цу лоархӀамеча дешара программе дакъа лаца таро хилар цун.
