ГӏалгӀайчени Магадански областеи хьехархоша «Къоанал – дегагӏоз» яха къамаьл дир эфире
ГӏалгӀай Республикан, иштта Магадански областа директорий хьехамчаша «Къоанал - дегагӏоз» яха мехкашта юкъера кхетам балара къамаьл дир эфире, яхаш, дийцар «Сердало» газетага «Бералла наькъаш» яхача Ерригроссийски проекта медиа-говзанчас.
«Из кхетаче дӀахьош, кхетам балара проекта говзанчас Гӏоандалой Аьсета дийцар вай республике моллагӀа йола кхетаче дӀаяхьара накъадоаларех. Эккажкъонгий-Юртарча №2 йолча юкъерча ишкола кулгалхочун гӀончас Овшанаькъан Танзилас ший къамаьл хетадир «Новкъостала кулгаш, баьццара аренаш» яхача тоабо вӏашагӏбеллача болама.
«Тӏема сийлен шахьаре дӀахьоча МагӀалбикерча дикача гӀулакхий Денах лаьца дийцар Магадански областерча новкъосташта СоагӀапчарча №30 йолча юкъерча ишкола викало Меданаькъан Мадинас», - аьлар хоамо.
Тхоца къамаьл даьчо яхачох, эфир хиларах аьттув баьлар дешара даькъ тӀара хьал шоайла довза, боккхагӏчарца лерхӀам лелабар, гӀулакхаца хилар хьалхадаккха. Хӏара доакъашхочо шийна хетар аьлар, бер зӀамига долча хана денз, хьакхоллаш йолча дикача гӀулакхий оамалех лаьца.
