Магасерча пенсионерканна соцадаь лаьтта ахча хьаделар, прокуратура юкъееча
28.04.2025 15:17
ГӏалгӀайчен Магасера 76 шу даьнна яхархо прокуратуре латкъа ера, бахьан а доацаш, ший пенси соцадарах, яхаш, дийцар «Сердало» газетага тӀахьожама боахаме.
Кхалсага пенси ийдора 2000 шера денз, ший пенсе яха ха яларга хьежжа, бакъда аьхки 2004 шера Волгоградски областа Вахара ганзо из юхасоцадир, къахьегама книжка тӀарча йоазонах дегабуам беш.
Прокуратуро техкар, пенси соцадара ер ма дий аьнна бахьан доацилга. Прокуратуро чубеннача лоткъамах, ганз из хьадала дезача эттар.
Пенсионерканна хӀара бетта доагӀаш хинна ахча хьадаларал совгӀа, шоаш хьа ца луш лаьтта 200 эзар сом а хьаэца таро хилар. Хӏанз цо бокъонах шийна доагӀаш дола пенси хьаийду.
