ГӏалгӀайчен пенсионераш хьежар, ахчанцара хьал шоашта мишта довз
Сурхо тӀарча ветераний ЦӏагӀа дӀайихьар моттигерча ӏV-ча Ерригроссийски олимпиадан оагӀув, боккхагӏчар ахчанцара хьал леладар шоашта мишта довз хьожаш, цу тайпара хоам «Сердало» газетага бир из болх вӀашагӀбеллараша.
Кхетаче дӀайолалуш ГӏалгӀай Республике гӀолла йолча Россе банка даькъа болхлочо лекци йийшар, ахча леладе харах, иштта финансови зуламхошта духьалъоттарах.
30 совгӀа саг хилар боккхийчарех, цу яхьашка дакъа лаца безам болаш. Иштта 60-87 шерга кхоачаш ха яьнна нах пенсионни темах дола шоашта хьакъоастадаь хаттарш кхоачашде хьежар, коммунальни хьалаш довзар, телефонаца зуламаш леладара хьал довзар, дикагӀа йола банк белгалъяр, кхыдараш. Олимпиаде котбаьннарий таро я ГӏалгӀайчера дакъа лоацаш хила, Ерригроссийски олимпиада дӀахьоча хана.
«Тхона чӀоагӀа лоархӀаме да, оахош лоархӀаш бола пенсионераш хьал довзаш хилар. Из цар финансови кхерамзлен хаттар да. Тхона гу геттара чӀоагӀа безам тӀабаха хилар доакъашхой, цо тхо гӏаддуг», - аьлар ГӏалгӀай республикан ахчан Министерствон болхлоша.
