ГӀалгӀайчен Хьалхарбараш Селий мехка дӀахьоча Ерригроссийски яхьашка котбаьлар
05.11.2024 16:10
«Хьалхарчар болама» ГӀалгӀайчен хьинар дараша дика дакъа лаьцар Ерригроссийски яхьашка; дешара, кӀалхарбахара тоабашта хьалхашка оттадаь хинна декхараш цар кхоачашдир.
Вай тоаба, Селий мехка дика толамаш гойтарах, дӀахо а яхьашка дакъа лоацаш хургья, яхаш, дийцар «Сердало» газетага цигарча зарбан болх лелабераша.
«Маьлха берд» яхача дешара центре хилар ГӀалгӀайчен тайп-тайпара ха яьннарех лаьтта ши тоаба. Хьалхарча аргӀагӀа бераш йоазонцара хаттараш дашха дезаш дар. ШоллагӀча даькъе цар гойтар спортивни даькъ тӀа, иштта хьалхара лорий новкъостал дара йола говзал. ДукхагӀа хало кхаьчар Эбарга-Юртарча №2 йолча юкъерча ишкола дешархошка, царна хьалхашка лаьтта декхараш дар, альпиниста шод хьабастар, цӀи йоаяр», - аьлар хоамо.
