ГӀалгӀай мехка хьалхара белгалдеш да Дунен могашала ди
ГӀалгӀай Республикан «Хьалхарчар болама» хьинар долча наха дездир Дунен могашала ди. Из ди къаьстта унахцӀенонна хетадаь хилар чу а лоацаш, цох пайда баргболча оагӀорахьа дӀадахьа лаьрхӀар цар, яхаш, дийцар «Сердало» газетага «Бералла наькъаш» яхача Ерригроссийски проекта зарбан болх лелабераша.
«Хьаькъале «Теш-тешац» яха ловзараш дӀахьош, бераша шоашта ховш дар гойтарал совгӀа, дукха пайда луш дараш Ӏомадир цига. ШоллагӀа «Коашкара ловзараш хургда» яха дакъа дӀадихьар дешача моттиге. Шоай масалга гӀолла къонача доакъашхоша гойтар никъ беш хилар могашала чӀоагӀа эшаш долга», - белгалдир моттигерча «Бералла наькъаш» яхача проекта координатора Колой СаӀида.
Цул совгӀа, «УнахцӀенон гӀирсаш» яхача болама чуйоагӀаш республикан дешара даькъ тӀа кхетаченаш дӀайихьар спорта, унахцӀенон говзанчашца.
