ГӏалгӀай мехкарча Хьалхарчар къамаьл дир, ИнгГУ философе кафедра доцентаца
Российски Ӏилман Ди дездеш хиларца, «Хьалхарчар болам» яхача МагӀалбик-Шахьара даькъа доакъашхой къамаьл хилар, ГӏалгӀай паччахьалкхен университета философе кафедра доцент йолча Аькхенаькъан Хьавайца, яхаш, дийцар «Сердало» газетага болама бувзамаш леладеш волча Налганаькъан Рамзана.
«Классера кхетаче» дӀахьош, Мухьмада Хьавас дийцар МагӀалбика №2 йолча ишкола, иштта «МагӀалбика №1 йолча Гимназе дешархошта, укх дукхача шерашка ше болх беш хьайоагӀаш, шийна карагӀдаьнначох, ший вахара маӀанах. Карарча хана из я ИнгГУ философе кафедра доцент, философе Ӏилмай кандидат, Паччахьалкхен исбахьален искусствай музея искусствовед, бакъда таханара толам гӀалгӀай Ӏадатех, исторех дувцаш бар.
«Хьаьшо шийна дукха хӀама ховлга хьагойтар, цига мел хиннараш шоай культурах доаккхал деш сатийна баьгӀар. Цо ешача лекцеша кагирхошта безам чубоссабу, хӀаьта цунцара кхетаче йицлургйоацаш хул», - аьлар Налганаькъан Рамзана.
