Санкт-Петербурге кхаьчаб вай Хьалхарбараш
27.08.2024 12:53
Санкт-Петербургерча «МедиаБум» яхача ерригача Россе цӀайна юкъе вай мехкара дакъа лоацаш хургба «Хьалхарчар болам» яхача оагӀон доакъашхой. Из хоам «Сердалога» бир цу оагӀон болхлочо Налганаькъан Рамзана.
«Наьсарерча № 3 йолча ишкола кулгалхочун гӀонча хьалха йолаш, кхо дешархо вахав цига. «МедиаТӀаозар» яхача кхоллама проекте котбаьннарашца дӀахьош долча, цӀихезача артисташа дакъа лоацача Россе эггара хьалхарча медиаконцертага хьожаш хургба КӀориганаькъан Дали, СапарӀаланаькъан Камила, ГӀаьнажанаькъан Сальма.
Тайп-тайпара Ӏомаду хӀамаш, хоамий технологей говзанчаш юкъе бола кхетаченаш я царга хьежаш», - дийцар тха газетага. Медиа-оагӀонашка къахьегараш, кагирхой вӀашкаозара тӀехьа дӀахьош болх ба из.
