ГӏалгӀайчен Хьалхарчар шоай проекташ гойтар Кавказа ТАССе
ГӏалгӀайчен «Хьалхарчар болама» кулгалхочо Албохчанаькъан Маринас дийцар, дикагӀа йолча проектах, Кавказа ТАСС яхача мехка хоамий центре хиннача пресс-кхетаче. Цу тайпара хоам «Сердало» газетага бу болама викала Налганаькъан Рамзана.
Юххьанца кхетачен доакъашхоша теркам тӀабахийтар «Дезала тоаба» яхача спортивни фестивала, цо 2024 шера цхьан майдан тӀа ГӏалгӀайчен 1000 вахархо гулвир. Да-нана, бераш, берий даь- нана, даь-да из ха дика дӀахьош хилар, царна иштта шоаех дола дукха хӀама дайзар.
Цу боламцара 200 хьинардар вар, «Хьалхарчар тоаба» яхача семинаре дакъа лоацаш. Бераша дешара, культуран, спортивни проекташ кийчъяьяр.
Дика дӀаяйзар дӀадахача шера «Къамий доттагӀал» яха Россе культурай фестиваль. Из дӀаяхьар бахьан долаш, Хьалхарчар таро хилар Россе дахаш долча къамий Ӏадаташ дикагӀа довза.
Вай лоӀамхошта чӀоагӀа лоархӀаме дар «ВАЙЦХЬАНА» яха Халкъашта юкъера волонтёрий кхетаче дӀахьош, ГӏалгӀай Республика шоллагӀча моттиге хилар, из нийсделар волонтёраш болх бе дика оарцахбахарах.
