Республикера Хьалхарбараш Маьтлоам тIа баьлар
15.07.2025 12:07
Дезала, безама, вIаший тIера хилара Ди, иштта Паччахьалкхен байракха Ди дездар хьаллоацаш, «Хьалхарчар болам» яхача оагIон доакъашхой дешархошца Маьтлоам тIа баьлар. Из хоам «Сердалога» бир цу оагIонцарча болхлочо Налганаькъан Рамзана.
«Даьхенцара безам шоаш цхьаккха хIаманца хувцаргбоацилга белгалдеш, Республикан а «Хьалхарчар болама» а байракхаш егIар цар цу лакхе. Цу экскурсе дог айдаь къонабараш, цхьана сурташ доахаш бар, цар дегашка дукха кердадар дитар цу наькъо», - йоах тхогарча хоамо.
