«Орлёнке» дӀайихьача кхетаче, дакъа лаьцар Хьалхарбараша
02.08.2024 16:56
ГӀалгӀай мехкарча викалаша дакъа лаьцар Россе эггара йоккхагӀа йолча берий салоӀача моттиге дӀайихьача «Хьалхарчар болам» яхача кхетаче. Из хоам «Сердалога» бир цу оагӀон болх лелабеча Налганаькъан Рамзана.
«Даьхен гӀулакха латтача къоначар тоабашта цхьацца декхараш тӀадехкар. Кроссфитах яхьаш дӀайихьар вайцигарча дешархоша шоай новкъосташца.
«Фу? Мичахьа? Маца?» яха кхетама хьал гойташ йола викторина дӀайихьар лагере. Театрерча балхах, литературах, иштта кхыдарех лаьца долча хаттарашта жоп тийлар бераша, геттара чам чубенна. Тхах, гизгех хӀамаш е, иштта кхыйола говзалаш Ӏомаеш дола гойтамаш дӀакхихьар лагере», - йоах тхога кхаьчача хоамо.
