Из хоам «Сердалога» бир цу гӀулакха хьалхалаттараша. «ГӀалгӀай паччахьалкхен исторе, культуран, Ӏилман вахаре лоархӀаме моттиг дӀалаьцарех дийцар Шолжа-Шахьарерча колледже, Шолжа кхале дӀайихьача кхетаченашка «Хьалхарчара болам» яхача оагӀон доакъашхоша. Республикан хьалха лаьттача наьха цӀераш дагалаьцар цар. Лакха кхетам эшаш долча хаттарашта жоп лохаш, къахьега дийзар студентий», - йоах тхога кхаьчача хоамо.

Котало кхаьчар Къамашта юкъерча туризмах, таханарча хано дӀадеххача тайпара доал дарах йолча колледжа ( МКСУИТ) кагирхошта. ШоллагӀа моттиг кхаьчар технологех, унахцӀенон гӀулакхех йолча Къилбаседа Кавказа колледжа кагирхошта. КхоалагӀча лагӀа тӀа баьлар гӀалгӀай индустриальни колледжа студенташ.