ГӀалгӀайчен Хьалхарбарий кхетаче хилар, «Доккхийча хувцамашка» котало яьккхачунца
![](http://serdalo.ru/storage/fPF7uwNyeBD9u2V2dMnzUH0xLlRtfSDYqKCIIoj8.webp)
ГӀалгӀайчен Илдарха-ГӀалий тӀа, «Хьалхарчар Болама» доакъашхошца, «Доккхий хувцамаш» яхача Ерригроссе яхье котало яьккхачунца кхетаче хилар, яхаш, дийцар «Сердало» газетага юкъерча дешара моттига болхлоша.
«Зангенаькъан Накираца вӀашагӀкхетаро Илдарха-ГӀала №3 йолча юкъерча ишкола дешархошта йоккха дегагӀоз яларал совгӀа, шоай дикача гӀулакхашта тӀакхера йола уйла кхоачашъяр а чудоссийтар.
Къонача зӀамсага дийцар цу йоккхача яхье шийна нийсденнар, ше котало мишта яьккхар, цхьа миллион ахчан преми яккха мишта вӀаштӀехьадаьлар. Цунца къамаьл хинначул тӀехьагӀа, царех цхьабараша лаьрхӀар шоашта фу карагӀдоал хьажа», - йоах хоамо.