«Ший къамаьла юкъе цо теркалдир, иштта йолча яхьаша къамашта юкъера, динцара бувзам, безам чӀоагӀбелга. Къаьстта уж яхьаш шоашца доккха беркат дахьаш я», – йоах хоамо.

Вай республикан хьалхара муфтий хиннача Йовлой Сулумбика хетаяьча яхьашка гулбеннабар Россе дуккхача моттигашкара, доазол дехьарча мехкашкара нах. Ерригача Къилбаседа Кавказа, мехка, республикан боккха лерхӀам болаш кхетаче яр из. Гулбеннараш дукха бар, йоккхача зале Ӏоховша моттигаш йисаяцар. Цу тайпарча беркатеча яхьаша дикача гӀулакхашта тӀехьа совбоах нах, динцара гӀулакх а чӀоагӀду.