«Мехка керттера каьхат дӀаэцаш, 14 шу даьннача дешархоша белгалдир, Даьхен гӀулакха латташ, къаман сий лорадеш, шоаш дӀачакхбала кийча болга. Паспорташ дӀалуча дакъа лоацаш бар Наьсарен кхален администраце вахара оагӀон кулгалхо, Долакха-Юрта керте латта Тиймарзанаькъан Муса, МагӀалбика кхален администраце кулгалхочун гӀонча Иленаькъан Зейнап, 14 шерга кхачанза долча берий гӀулакхех йола инспектор АьгӀенаькъан Хади, иштта «Хьалхарчар болам» яхача оагӀон болхлой», - йоах тхога кхаьчача хоамо.

Паспорт хьаэцар - вахара лоархӀаме дакъа да, из деррига кхетадеш, къаман пайдане хургдолча наькъашка къахьега лаьрхӀа ба кагирхой.