Бахархой дехарах, наькъаш тоаде арабаьлар Наьсаре
28.03.2025 10:16
Лоа дешачул тIехьагIа, дикка талхилга хьагуш долча Наьсарерча наькъашка жагIа тасса арабаьлар мехка. Геттара сиха меттадоаладе дезача хьале кхаьчад цхьадола наькъаш. Из хоам «Сердалога» бир шахьара администраце.
500 метрага кхоачаш болча Кабардински оалача урам тIа, Аьлтий-Юртарча 350 метр болча Железнодорожни оалача урам тIа жагIа тасса бийзар.
Иштта бола болх дIабихьар Наьсар-Кертерча 300 метр болча Спортивни, 230 метр болча Садови оалача урамаш тIа. Шахьара даьга Оздой Русланага бахархоша дехар даь, дIахьош балхаш да уж.
