ДикагӀа йола лампаш йохкаш, болх дӀабихьар МагӀалбикерча урамашка
07.03.2025 10:35
Победа 65 яхача урама бахархоша дехар даь, низткъа мара сердал луш йоаца лампаш дӀаяьха, ток кӀезигагӀа юаш, сийрдагӀа йоагаш яраш йохкаш болх дӀабихьар МагӀалбике.
Из хоам «Сердалога» бир шахьара мэре. Шахьара да волча Галай Мусас тӀадилла дӀахьош ба из.
«Къаьнара, лерттӀа йоагаш йоацараш дӀаяьха, толашагӀа йола лампаш ехкар ураме. Дикка сердал дӀа-хьа кхоачийташ йолча кердача лампаша бийсан лелача наха, машенашта паргӀато ергья», - дийцар тхога.
Шахьара администраце бахархошка кхайкарал ду, урамера лампаш еха е кхыдола кхоачамбоацараш дале, хоам бе шоашка, яхаш. Шахьара моттигаш тоаярах йолча программага гӀолла дӀахьош ба из беркате болх.
