ГӀалгӀай паччахьалкхен 100 шу дизара хетаяь марка арахийцай Россе почто
25.07.2024 13:47
ГӀалгӀай паччахьалкхен 100 шу дизара хетаяь марка арахийцай Россе почто. Паччахьалкхен яьнна ха, герб, иштта вай мехкара лоархӀаме моттигаш латт цу тӀа.
17 000 марка я арахийцар. Уж эца йиш хургья 100 сомах. Марка тӀа го йиш я Мехкада вагӀа, республикан паччахьалкхе чуӀеш йола гӀишлош, Барта гӀала, «ВӀовнашке», Тхьаба-Ерд яха моттигаш, «Ӏарамхи» яха курорт, Магасера рузбан маьждиг, Осканаькъан Сулумбика оттадаь сийленг, Маьтлоам, герб, аьрзи, къаман гӀарчож.
«ГӀалгӀайчен дӀаьхий дола истори, культура лоархӀаш баь болх ба из», - аьлар Россе почте.
Вай республика хозача моттиге улл. Хам баь варгвоацаш я вай лоамера гӀалай ягӀа моттигаш. Уж лораяра тӀехьа кхелла я ЖӀайрахьа-Ахабоарзера архитектуран исторе, Ӏалама музей.
