ГӀалгӀайчен 200 проект гранташ яха тарлуш я
ГӀалгӀайчен 200 гаргга саг «Агростартап» программах гранташ яха лаьрхӀа ва, из новкъостал деш да дӀаболалуш болча фермерашта, юртбоахам дегӀабоалабара. Цох дийцар республикан Кулгалхочун зарбан болх лелабераша.
ГӀалгӀайчен Кулгалхочо Келаматанаькъан Махьмуд-Ӏаьлас вахара бувзамашка гӀолла аьлар, из программа агробизнес дегӀайоалаяра а иштта юртара доазонаш леладара а накъайоалаш хиларах.
«Федеральни центро хьаллоацаш, начӀал дола, къахьегама тӀера бола республикан бахархой таро йолаш ба цу тайпара новкъостал хиларах шоаш лаьрхӀар кхоачашде, кхачан даараш арахецача яхьебовла», - аьлар республикан кулгалхочо.
Белгалду, хӀара шера юртбоахама хьал дезараш вай мехка тӀакхеташ хилар: карарча шера яхье дакъа лаца 196 дехар чуденнад. Келаматанаькъан Махьмуд-Ӏаьлас яхачох, из да ГӀалгӀайчен бахархой юртбоахам дегӀабоалабе безам болаш хилар.
